Aves rapaces no entorno de Feáns-Siradella

O longo do desenrrolo deste blog, trataremos de ir introducindo á xente na fauna e flora que se atopa no entorno de Feáns-Siradella. Consideramos de vital importancia, que os defensores ou potencialmente defensores do campo, coñezan unha parte importante do interese que ten para todos este especial lugar.

Ademáis tamén tentaremos que sexa un revulso, para que os defensores do campo de golf sigan chamándonos demagogos os que estamos en contra.... Canta máis información teña a xente que está interesada na protección deste espazo natural, menos credibilidade terán os que teñen tantos intereses na realización do proxecto do campo de golf.

Aí vai, o segundo personaxe de esta histoira que non é nada máis e nada menos que: O Azor (Accipiter gentilis).

O Azor, é unha rapiña que habita na espesura dos bosques. O seu hábitat preferido na península meca son os piñeirais dos outeiros da Siradella-Feáns así como a marxe de caducifolias de A Belenda. Dado a especial abundacia na zona de Feáns de Pombo bravo (Columba palumbus) que é unha das suas presas favoritas, na zona podese observar os movementos de unha parella destas rapiñas. Esta rapiña, ademáis tamén soe predar nos Esquíos, cos cales batense en duelos espectaculares, entre os piñeiros, dada a tremenda axilidade destes roedores.

Son coma a maioría das rapiñas, aves moi territoriais, polo que unha soa parella destes animáis, soe abarcar moitas hectáreas de terreo arbolado como o seu territorio de caza e cría. Hai datos de cría con éxito, na zona; aínda que tamén do estrago dun niño no ano 96...

Para rematares, dicir que estas aves están protexidas coma todas as rapiñas. Non toleran ben a presenza do home, especialmente na época de cría, polo que si se ven molestas pronto abandonaran o niño; podendo ser catastrófico si abandonasen a posta ou os pitiños. Polo que evidentemente, non aturarían a presión humana que resultaria dun campo de golf.

Compañeir@s, aqui temos unha das multiples razóns, polas que estamos e estaremos en contra. Sen esquecer ó noso amigo o Sapiño de esporóns, que se encontra en Galicia, ¡¡nunha situación crítica!!, anfibio que teremos sempre presente e que queremos facer baluarte da defensa do monte da península de O Grove.